Қыс қандай әсем еді, қара, далам, Бір арман-ақ боз жеккен шана маған. Ағызып жұлдыздайын Дүниенің Не жетсін күніне бір аралаған. Қар қандай! Қарып көзді шағылады, Жамылған тау, даласы, бағы-бәрі. Тоқтау жоқ, Кедергі жоқ Аппақ дүние! Жер үсті аппақ нұрға малынады. Күн ұзын жапалақтап тынбады қар, Астында ақ мамықтың тұрғаным бар. Ақ төсін жайып салып жатыр дала, Кеудемде сол даланың ырғағы бар.
Қыс
Оңайгүл Тұржан
Ішімде де ақ боран, Сыртымда да ақ боран. Көңіл-бұлақ ақ табан, Ол да қатып тоқтаған. Үсіп өлді үмітім, бір жаз бойы сақтаған. Қарға батып дәрменім, Мұзға қатып дәуренім, Кәрі қысты тұр-тұрлап, Оята алмай әуремін, Шаңқай жаздан адасып, Жүрген жалғыз сәуле едім. Қыс пен жазды жалға тіл, Көктеміңе бар батыл. Жасыл-желек қай жақта? Мұнда тау да, тал да тұл, Өлеңдерде ақ қырау, Ой ұшында қар жатыр.</span><span><span> </span></span><span><span>
</span>Қыс ата
Әбділда Тәжібаев
Ойының, балам, омбы қар Демейсің қолым домбығар. Ақ мамықты ақтара Қалайсың тынбай ақ қала. Отырып таудың құзында, Құлағын тосып ызыңға. Қыс сақалын тарайды, Қызыға саған қарайды. Қарайды да күледі, Үлпілдек қарды үреді. Қояды бір дем ысқырып, Қаласың сонда түшкіріп. Көрдің бе қарттың мінезін, Ермегі қазір бір өзің, Ойынға қандай көңілді, Серігің болды сенімді. Үйіріп аппақ құйынын, Секіртіп ұшқыр тиынын. Кейде еменді сілкеді, Төбеңнен қырау бүркеді. Тебемін десең сырғанақ, Үскіріп қалып бір қабат, Жаяды жалтыр көк мұзын, Сырғанайсың күн ұзын. Қолыңнан ұстап қыс ата, Күн бата үйге ұзата Бетіңнен сүйіп қалады, Күрсініп дем алады. Қыс ата неткен пейілді, Күнімен соқты-ау ойынды. Алғасын біраз тынысын, Бастайды түнгі жұмысын.</span><span><span>
Түнімен долы дауыл құрыстаған секілді арыстандай жыны ұстаған. Жамылып ақ көрпесін енді ғана маужырап байтақ дала тыныстаған. Қалыпты қарауылда жыңғыл, құрақ, іліп ап ақ мамықтан бір-бір тұмақ. Мәз болып жас баладай, айналаға қарайды әр бұтадан күн жылтырап. 1956</span><span><span>
</span>Қырық күн болды қыс кіргелі
Есенғали Раушанов
Қырық күн болды қыс кіргелі, Ауыр нәубет жетті елге. Кетіп қалды құстың көбі Басқа мемлекеттерге. Ода оқиды қарға таңнан Мәртебелі кысты ән ғып: «Мен хан едім арғы атамнан, Құл еді, - деп, - құс барлық». Айтсын қарға, десін құзғын, Сайран етіп кең ішін. Ерте кеткен есіл күздің Қырқы бүгін мен үшін.</span><span><span>
</span>Қыс пен жаз
Әбділда Тәжібаев
Балқытып гүлді деміне Сүйді жаз әбден беріле; Әкетпек еді ұзатып Өзінің жылы жеріне... Қызғаншақ қыс келді де Сілтеді суық қанжарын. Жас жігіт қыршын өлді де Қалдырып кетті жан жарын. Құтырган шал құмартты, Қызыға сүйді жас гүлді. Бойына нәзік мұз қатты, Үгілді гүл, төгілді. 1955</span><span><span>
</span>Қыс
Абай Құнанбайұлы
Ақ киімді, денелі, ақ сақалды, Соқыр, мылқау, танымас тірі жанды. Үсті-басы ақ қырау, түсі суық, Басқан жері сықырлап, келіп қалды. Дем алысы - үскірік, аяз бен қар, Кәрі құдаң - қыс келіп, әлек салды. Ұшпадай бөркін киген оқшырайтып, Аязбенен қызарып ажарланды. Бұлттай қасы жауып екі көзін, Басын сіліксе, қар жауып, мазаңды алды. Борандай бұрқ-сарқ етіп долданғанда, Алты қанат ақ орда үй шайқалды. Әуес көріп жүгірген жас балалар, Беті-қолы домбығып, үсік шалды. Шидем мен тон қабаттап киген малшы Бет қарауға шыдамай теріс айналды. Қар тепкенге қажымыс қайран жылқы Титығы құруына аз-ақ қалды. Қыспен бірге тұмсығын салды қасқыр, Малшыларым, қор қылма итке малды. Соныға малды жайып, күзетіңдер, Ұйқы өлтірмес, қайрат қыл, бұз қамалды! Ит жегенше Қондыбай, Қанай жесін, Құр жібер мына антұрған кәрі шалды.</span><span><span>
</span>Қыс келген күні
Мұқағали Мақатаев
Тысқа шықсам, Күн шыңылтыр, ңар жауған. Ызғар, аяз атырылып бар маңнан, Асып анау асқар-асқар таулардай, Қыс жетіпті тонын теріс аударған. Қыс жетіпті, Сол баяғы кезіндей, Қуырып жүр дүниені көз ілмей, Күн нұрынан еш жылылық сезілмей, Әйнектенген маскүнемнің көзіндей. Шуылдаған шау қарғадай жар салып, Сәбилер жүр кәрі атасын қарсы алып. Махаббаттан ұмыт қалған ұстаз қыз, Терезеге қарап отыр тамсанып. Терезеге қарайды да, тамсанып, Мұңая ма, қуана ма ән салып?! Жібір емес терезеге қатқан мұз, Жылуымен жылытса да қаншалық. Аттанасың аяқтамай арманды, (Рас екен жалған десе, жалғанды!) ...Қыз жанарын оқулыңқа аударды, Шешпек болып көп белгісіз сандарды... </span><span> </span>
Біздің мектеп ол (мектеп аты). Ол әлемдегі ең керемет мектеп. Мен бұл мектептен жастайымнан ұстаздарымнан білім нәрін сусындап келемін. Мен (сынып) сыныбында оқимын.Сыныбымызда (оқушы саны) бар. Мектепте біз бәріміз татумыз. Мен өз мектебімді сүйемін!!!
Дауысты дыбыстар Тіл қатынасына қарай 2-ге бөлінеді: ол жуан, жіңішке. Жуан дыбыстарға: а,о,ұ,ы,у. Жіңішке дыбыстарға: ә, і,е, ү, ө,и,у. Жақ қатынасына қарай екіге бөлінеді: ашық, қысаң. Ашық д.д-ға: а, о,ә, е,ө. Қысаң д.д-ға: ұ,ү, ы,у,и,і жатады. Ерін қатынасына қарай екіге бөлінеді: еріндік, езулік. Еріндікке : о,ө,ү,ұ,у жатады. Езулікке: ә,і,е,а,ы,и
Қазақстанның ертеден бері келе жатып, дамыған өнер болып, ерекше орын алатын өнер-зергерлік өнер. Темірден жасалған бұйымдардың таралуы, күмісті кең қолданысқа енгізді
Апай мейіржанды тақтаға шығарды. -Мейіржан тақтаға дауысты дыбыстарды жаза ғой. -Жарайды апай
Мұғалім балаларға -Балалар Мейіржан жазып болғанша мен сендерге сұрақ қояын.Абай дыбыс үндестігі не? -Дыбыс үндестігі 3 топқа бөлінеді:ілгеріңді ықпал,кейінді ықпал,тоғыспалы ықпал
Менің әжем бар. Ол өте мейірімді жан. Мен кішкентай күнімнен әжемнің бауырында өстім. Ол мені адалдыққа, білімге құштар болуға үйретті. Әжем қазақ ауыз әдебиетінен көптеген ертегілер, аңыздар біледі. Сол білгендерін маған күнде ұйықтар алдында айтып береді. Әжем менің күнде сабағымды тексереді. Сабақтан жақсы баға алсам, әжем қатты қуанады. Мені құлыншағым ботақаным деп еркелетеді. Әжем әрдайым менің тәрбиеме де үлес қосып келеді. Ол менің ибалы да, иманды қыз болып өсуімді қалайды. Мен әжемнің менің жақсылығымды көріп, қызығыма тоймай, ұзақ өмір сүре берсін деп тілеймін!