Твор Янкі Купалы “Магіла
льва” быў напісаны на аснове народнага падання пра асілка Машэку. Гісторыя
кахання Машэкі з Наталькай скончылася трагічна. Машэка загінуў, а “яго высокую
магілу Магіла льва народ назваў”. Гэтая назва зараз пераўтварылася ў назву
горада Магілёў.
Напачатку твора
Машэка падаецца нам станоўчым героям. Ён асілак, працавіты, руплівы. Звычайна
асілкі ў беларускім фальклоры станавіліся на бок народу, абаранялі дабро і
справядлівасць. Але тут гісторыя паварочваецца іншым бокам. Машэка закахаўся ў
Натальку і паехаў працаваць, каб зарабіць грошай на вяселле. У гэты час
Наталька здраджвае яму і выходзіць замуж за паніча. Вярнуўшыся, Машэка ад гора
губляе розум, сыходзіць у лес і пачынае забіваць людзей. Яго каханая ў выніку
не вытрымлівае, ідзе да яго на спатканне ў лес. Машэка ўзгадвае свае былыя
пачуцці і вядзе Натальку ў сваё сховішча, дзе ўночы яна яго забівае. Але над
магілай асілка ніхто не пусціў слязінкі.
<span>
</span>
<span>Паэма Янкі Купалы
паказвае нам, якое гора можа прынесці цэламу народу асабістая крыўда аднаго
чалавека. Машэку раніла Наталька, і забыўшыся на свой род, ён пераўтвараецца ў
звера. Замест таго, каб працаваць і дабівацца праўды мірам, ён становіцца
пачварай. Справядлівасць перамагае ў ролі Наталькі, якая сталася напачатку
прычынай злобы Машэкі. Але горад ужо стаіць на крыві і шматлікія пакаленні
будуць несці памяць аб гэтай трагічнай гісторыі.</span>