Question

Ш Құдайбердіұлының "Жастарға", "Дүние мен өмір", "Ақындарға","Кəрілік туралы" өлеңдерінің не туралы екенін жазып берініздерші

Answer 1

Ақынның 1879 жылы жазылған «Жастарға» өлеңінің тақырыбы – Абай көтерген білім алу, азамат болу идеясы. Ол қазақы қоғамда парасатты, білімді, әрі ойшыл жан деп Абайды таниды. Ақын Абайдың биік рухын, асқақ арман-мақсаттарын, даналық тұлғасын жан-жақты ашып, жастарға үлгі ретінде көрсетеді.Ақынның «Дүние мен өмір» өлеңі 1885 жылы жазылып, 1912 жылы Семей қаласында «Жәрдем» баспасынан жарық көрген «Қалқаман-Мамыр» жинағының соңғы жағында жарияланған. Шығарманың түпкі түйіні «өзіңе өзің сыншы бол» деген қағиданы арқау еткен. Әрбір қиын іске «қу дүние, сұм дүние» деп өмірді, тағдырды жазғырмай, әр адам өзіне сын көзбен қарасын деген ғибрат айтады.«Ақындарға» атты арнауы ақындыққа, сөз өнеріне қатысты ой-түйіндерінен туындаған. «Тазартып жүрек кірін жуып жатсын» деп, ақындарға қара өлеңнің үлгісімен тыңдаған жанның көңілін ұйытып, көкірегін оятатын, рухани сусын боларлық, жүрек кірін тазартатындай есті өлең жазыңдар деп аманат қылады.Ал Абай үлгісімен 1879 жылы жазған «Кәрілік туралы» өлеңінде ақын жастық пен кәрілікті салыстыра сипаттай отырып, жас шағыңда ізден, талаптан, қайратың қайтып, кәрілік жеткен кезде ештеңеге қайраның болмайды деген түйінді ойды жеткізеді.