Сәлем, сәлемдесу, жағдай сұрасу осы сөздердің өзінде бір жылылық, ілтипаттылық сезіліп тұрады. Тәртібі дұрыс, әдепті кісі танысын, танымасын алдынан шыққан жасы үлкен кісіге алдымен, жылы шыраймен амандасудың өзі, ол адамның инабаттылығын білдіреді емес пе.
«Сәлем – сөздің анасы» демекші кез келген жерде, қандай жағдайда болмасын адамдар бір-бірімен қарым-қатынасқа жеңіл өту үшін алдымен амандасып, сәлем алысқаннан кейін жұмысы жөнінде сөз қозғайды. Бұл қашанда осылай болған, болады да, болуы керек.
Сәлемдесу – амандық білудегі әдеп жолы. Сәлемнің сәлемдесу, сәлем беру, сәлем қылу сияқты түрлері бар. Сәлемдесу – кездескен адамдардың бір-бірінің амандығын біліп, қуанышқа бөленуі, бір-біріне аман-саулық тілеп, тілектестігін, ниеттестігін білдіруі, яғни ізеттілік пен әдептілік нышанын көрсетіп, амандыкқа ақ жарқынданып, жақсылыққа жадырауы. Әрбір адам «қайырлы таң», «қайырлы күн», «қайырлы кеш» деген сөздерді амандасуға қосып, тәуліктің үш мезгілінде де бір-бірімен ақ жарқын амандасуы тиіс. Амандасу адамгершіліктің, әдептіліктің бір белгісі болып табылады. Амандасқан адам қазақ салтында оң алақанын жүрегінің үстіне қойып, басын изейді. Не қол алып амандасады. Ол «Сізді шын жүректен құрметтеп, амандығыңызды тілеп, өзіңізге бас иемін» деген мағынаны білдіреді.
Адамзат қоғамының қай кезеңі болмасын, қандай да бір мемлекет болмасын, оның негізгі түп қазығы сол елдегі әрбір отбасыға тірелетіні даусыз. Олай болса, қазақ елі үшін де әрбір отбасының маңызы ерекше. Оған ата-бабамыздың бір-бірімен «Отбасың аман ба?» деп саулық сұрасып, «Отбасы амандағын берсін» деп амандық тілеп жатуының өзі жарқын дәлел.
Негізінен, әдептілік, кішіпейілділік, әркім өзінің орнын біліп, шектен шықпаушылық сәлемдесудің сәнін ғана келтіріп қана қоймай, мәнін де арттырады.
Қазақ зиялыларының бірі де бірегейі Мағжан Жұмабаев:"Ұлттың ұлт болуы үшін бірінші шарт - тілі болу.Ұлттың тілі кеми бастауы ұлттың құри бастағанын көрсетеді" деген екен.Шынында да,әр халықтың өз ана тілі олардың баға жетпес байлығы емес пе?
Ана тілім ана сүтімен менің бойыма дарыды.Көз ашып,ес білгеннен бері тек ана тіліммен қоғамды,қоршаған ортамды тани бастадым.Ендігіде ғұмыр бойы ана тіліммен өмір сүріп,онда еркін сөйлей алуым керек емес пе?Мен өз алдыма осындай мақсат қойдым.Себебі,менің ана тіліме деген махаббатым,алғысым шексіз."Қанша тіл білсең,өзгеден сонша кез биіксің" деген дана халқымыз.Алайда,кіндік қаның тамған еліңнің мемлекеттік тілін білуге,құрметтеуге міндеттісің.
Туған тілім - тірлігімнің айғағы,
Тілім барда айтылар сыр ойдағы,
Өссе тілім,мен де бірге өсемін,
Өшсе тілім,мен де бірге өшемін!- деп Ә.Тәжібаев атамыз айтқандай,мен де "ана тілім - ардағым" деп өмірімнің соңына дейін қазақ тілін қастерлеп өтетініме кәміл сенемін.