Табиғаттың әрбір маусымы ерекше болатыны сөзсіз. Әр маусымның өзіне тән қызығы мен сейіл-серуені бар. Соның ішінде қыс мезгілі де өзіндік кіршіксіз аппақ қарымен, қаһарлы мінезімен, сықырлаған аязымен ерекше. Бұл мезгілде адамдар табиғаттың құпиясын, ерекше бір ұмытылмас сәттерін тамашалайды.
Қара жердің бетін басқан аққұба ару сияқты үлпілдеген ақ ұлпа қар айналаға сән бергендей. Әркім бұл мезгілді асыға күтетіні рас. Бірі шаналарын арқалап, биік жоталарға, таулы қыраттарға бет түзейді. Дала төсінде қолдан сырғанақ жасайтын қызықты кездерде өз алдына бір бөлек әңгіме. Қолдарына шана сүйреген балалар, жүздері күлкіге толы адамдар барлығы бейне бір қыстың суығын емес, оның жылы нұрын, ыстық тартар сәулесін тауып алғандай қуанады.
Даланың табиғаты тып-тыныш қалпынан, маужыраған күйінен серпіле түскендей күйде. Алатаудың сілемдері мен биік жоталарындағы қыс көріністері көздің жауын алады. Басында қашанда қар жататын қарт Алатау ару Алматының көркіне көрік қосып тұрғандай көрінеді. Ақындар жырға қосқан, әншілер әнге қосқан Алатау қыс мезгілінде ерекше сұлу ғой, шіркін!
Қыс мезгілін тағы да асыға күтуіміздің бір себебі - Жаңа жыл. Сірә, бұл мейрамды еңбектеген баладан, еңкейген қартқа дейін күтетіні айдан анық. Бүлдіршіндер аппақ қардан аққала жасап, шырша безендіріп, аяз ата мен ақша қарды көруге асығады. Барлығы ақ тілектерін білдіріп, сыйлықтарын береді. Қылышын сүйретіп жеткен қаһарлы қыстың бізге берер қызығы мен қуанышы көп. Осындай естен кетпес оқиғаларға толы қыс мезгілін керемет деуге толық негіз бар. Қыстың ғажайып ұмытылмас шақтары адам жанына шуағын шашып, нұрын төге түскендей, көтеріңкі көңіл-күй сыйлайды.
Мен Полиглот болған жағдайда
Есік ашу
Бесік той
Сүндет той
Шілдехана той
Қыз жасауы
Құдалық
Айнұр сабаққа кешігуде
Ербол достарымен футбол ойнау үшін ерте тұрды
Жаңа өсіп шыққан ағаштың бұтасын кесуге болмайды
Қазақстанға қажет мамандар.
“Алуан-алуан кәсіп бар, таңдай біл де,талап қыл!” демекші,әлемде сан мыңдаған мамандық түрлері бар.Біреулері мемлекеттің өркендеуінде айрықша орын алса,енді біреулері туралы ештеңе де білмейсің.
Қазіргі таңда елімізге нағыз қажетті маркетолог,web-дизайнер,химик, ақпараттық технолог,өнеркәсіп саласының мамандықтары болып табылады.Әрине,әр мамандықтың алар орны бар,бірақ аталған мамандықтар бойынша білікті маман саны көп болса,еліміз де дамыған елдер қатарына қосылушы еді.Мектеп бітіріп шыққан түлектер бұл мамандықтарды емес,экономика,заң саласын таңдайды.Себебі,жоғарыда қажетті деп танылған мамандықтардың оқуы қиын әрі күрделі,сонан соң жұмыс жасау да қиын көрінеді.Бұл мамандықтар көп ізденісті,еңбекті қажет етеді.“Бейнетін көр де,зейнет көр” дегендей,жастар бұлардан қашпауы керек деп білемін.
