Ответ:
1. Ғаламтор арқылы зат сату және бәсекелестіріп сату Қылмыс жасаушылар өз мақсаттарын жүзеге асыру үшін жекелеген сайт немесе блог ашып, сол арқылы сенімге кіреді. Сатып алушыларды арзан тауарлар арқылы баурайды да, оларға ақша аудару жайында ұсыныс тастайды. Ақша аударылғаннан кейін ешқандай тауармен қамтамасыз етілмейді немесе сапасыз тауар келеді, кейде тіпті, барлық мәліметтер жойылып, ол адам ғайып болады. 2. Сыйлау Қылмыс жасаушы топ немесе жеке адамдар ғаламтор қолданушыларының хабар-байланыс (пошта, қалтфон) мекенжайына өздерінің мол сыйақыға ие болғандығы жайлы ақпараттар жібереді. Олар көбінесе осы қаржыны рәсімдеу үшін құжаттарға, салыққа, кепіл ақшаға деп қолданушыларды сендіріп, әрі олардан ақша аударып алады. Бұл бүгінгі адамдар психологиясының әлсіз тұсын дәп басқан қараниеттілердің ғаламтордағы тағы бір тәсілі. 3. Басқалардың атын жамылу Ғаламтор қолданушыларының жақын туыс-туғандарының, әке-шешесінің байланыс ақпараттарын алып, оларға келте хат немесе пошта арқылы хабарлама жібереді. Хабарламаның мәтіні көбінде: «Ауырып қалдым, тез арада мына банкке мұнша ақша аударыңдар!» т.б. сипаттағы хабарламалар. Мұндай кезде сіз өз жақыныңызға хабарласып, мән-жайды түсінуіңіз керек. 4. Банк карточкасынан ақша аударып алу Бұл жағдай көбінесе онлайн төлем жүйелерінде сақталуы мүмкін. Сіз онлайн төлем жасау барысында браузер сізден мәліметтерді (карточканың номері және құпия кодты) сақтайсыз ба деп сұрайды. Бұл жағдайда оны мүлде сақтамау керек. Өйткені, құпия мәліметтер браузердегі роботтар арқылы қаскөйлердің алдында жарқырап тұруы мүмкін. 5. Жалғамалы сату Ғаламтордағы сатылымда тұрған үй, көлік немесе т.б. дүниелерді көзбен көріп, құжаттарын тексеріп алғаннан кейін ғана бетпе-бет отырып сатып алыңыз. Ғаламтордағы заттар бір уақытта бірнеше адамға тең сатылып кетуі мүмкін. 6. Жалған ғаламтор сайттары Бұл күнде сайт ашу, оған ақпарат орналастыру кез келген адамның қолынан келеді және ол мәліметтер кез келген уақытта жоғалып кетуі мүмкін. Сондықтан сайттарды пайдаланғанда оның сенімділігі мен ақпараттардың нақтылығына мән беріңіз.
