Question

Демалыс күні Ораз бен Асқар есік алдында ойнап жүр. Екеуі допты әрі тепті, бері

тепті. Біраздан кейін ашық тұрған қораның есігін қақпа етіп алды. Енді допты соған

дәлдеп ұрды. Бір кезде қатты тебілген доп қораның ішіне кіріп кетті. Ораз добын іздей

бастады. Қараңғыда допты әрең тауып алды. Сыртқа беттеген. Сол кезде шыға берісте

тұрған шелекті қағып кетті. Ішіндегі сүт төгілді де қалды. Ораз не істерін білмей

аңтарылып тұр.

- Қорықпа. Сүтті мысық төгіп кетіпті дейміз,- деді Асқар.

- Мен өтірік айтпаймын. Байқаусызда төгіп алдым деймін,- деді Ораз.

1-сұрақ. Мәтінге ат қойыңыз.

А. Ораздың өтірігі

В. Ораздың адалдығы

С. Ораздың ойыны

Д. Ораздың демалысы [1]

2-сұрақ. Сүт неге төгілді?

А. Мысық төгіп кетті

В. Доп түсіп кетті

С. Ораз қағып кетті

D. Асқар қағып кетті [1]

3-сұрақ. Мәтіннің негізгі ойын анықтаңыз

А. Әрқашан шындықты айту

B. Әрқашан досыңды тыңдау

С. Әрқашан абай болу керек

D. Әрқашан өтірік айту керек

Answer 1

Жауаптары
1В, 2С, 3А