Атау септік: не? қыркүйек
Ілік септік: ненің? қыркүйектің
Барыс септік: неге? қыркүйекке
Табыс септік: нені? қыркүйекті
Жатыс септік: неде? қыркүйекте
Шығыс септік: қайда? қыркүйекке
Көмектес септік: немен? қыркүйекпен
(1846-1946)
Екі ғасырдың куәсі, жыршы-жырау, халық ақыны, ірі айтыскер ақын Жамбыл Жабаев 1846 жылы 28 ақпанда қазіргі Жамбыл облысы, Жамбыл тауының етегінде дүниеге келді.
Ұстазы Сүйінбайдан бата алған Жамбыл Бақтыбай, Сары, Сарбас,Досмағамбет, Құланаян Құлмамбет, Шашубаймен айтысып, оларды жеңгеннен кейін Жетісудің ерен жүйрік ақыны аталады.
Бұл айтыстарда ақын қарапайым халықтың мұңын мұңдап, жоғын
жоқтайды.
1916 жылғы көтеріліс кезінде Жамбыл патшаның соғысқақазақтан қара жұмысқа адам алу жарлығына қарсы шығып, өлең - жырлар шығарады.
Жамбылдың шығармашылық өрлеу дәуірі жасы 70-тен асқан соң, кеңес өкіметі қамқорлығы арқасында ашылады.
Жамбыл есімі Одаққа кең жайылып, Кеңес Одағындағы әрбір маңызды оқиға мен қол жеткен жетістік оның жырларына арқау болады.
1936 жылы Жамбыл Москвада өткен қазақ өнерінің онкүндігіне, 1937 жылы грузин ақыны Шота Руставелидің туғанына 750 жыл толу тойына қатысады. КСРО Жоғары кеңесінің президиумы Жамбылдың халық поэзиясын өркендетудегі еңбегін айрықша бағалап, оны "Еңбек Қызыл ту", "Ленин" орденімен марапаттайды.
Ұлы Отан соғысы жылдарында Жамбыл өлеңдері кеңес жауынгерлерін, халқын жауды жеңуге жігерлендірді. Ол ең жоғарғы сыйлық - Мемлекеттік сыйлықтың иегері атанды.
Жамбылдың "Өтеген батыр", "Сұраншы батыр" аталатын дастандарында халық үшін еміренген, еліне қамқор, пана болған халық батырларының ерлік, адамгершілік бейнесі өрнектелген.
Бурабай – Көкшетау қыратындағы тұйық көл. Ол Ақмола облысының Бурабай ауданында Көкше тауының шығыс баурайында теңіз деңгейінен 320 метр биіктікте орналасқан. Бурабайдың суы жұмсақ және мөлдір, түбіне дейін анық көрінеді. Көлдің солтүстік-батыс бөлігінде Жұмбақтас аралы орналасқан. Оның шоқтығы айдын бетінен 20 метр көтерілген. Сол маңда Оқжетпес тауы да бар. Көл суында алабұға, шабақ, сазан, шортан, табан балықтары жеткілікті. Бурабай табиғатының ерекше сұлулығы көптеген әдебиет және көркемсурет шығармаларына арқау болған.


Зеренді. Ақмола облысында еліміздің көрікті жерлерінің бірі – Зеренді ауылы орналасқан. Ол Көкшетау қаласынан оңтүстік-батысқа қарай 40 км жерде, Көкшетау қыратындағы Зеренді тауының солтүстік-шығыс етегінде, Зеренді көлінің шығыс жағалауында орналасқан. Зеренді тауының баурайында жазғы лагерьлер мен демалыс үйлері жұмыс істейді. Ауыл маңындағы Жамантұз көлінің шипалы сазы емге жарамды. Зеренді көлінде ондатра өсіріледі, балық ауланады. Ауыл арқылы Көкшетау-Атбасар автомобиль жолы өтеді.

Қарқаралы. «Атыңнан айналайын, Қарқаралы» деп бұл өлкенің сұлулығы Сәбит Мұқанов пен Мәди Бәпиұлының өлеңдері мен шығармаларында жиі суреттелген. Еліміздің көрікті жерлерінің бірі – Қарқаралыда болып, оның сұлулығына тамсанбау мүмкін емес. «Қарқаралы» атауы көне бас киім – қарқара атауынан туындаған. Себебі, бұл жердің таулары алыстан қарағанда бас киім пішіндес болып келеді. Табиғаты әсем өңір көруге тұрарлықтай. Қарқаралы Қарағанды облысында орналасқан.


Каспий теңізі – Еуропа мен Азия аралығында орналасқан жер шарындағы ең үлкен тұйық көл. Оның суы 5 мемлекеттің жағалауын шайып жатыр. Каспий теңізіне 130-ға жуық өзен мен ағынды сулар құяды. Жазда Каспий теңізінің беті қатты қызады, температура барлық бөлігінде де бірдей: шілдеде орташа температура 24оС – 26оС. Тамыз айында температура айдынның бірқатар бөлігінде 24оС, ал оңтүстікте 28оС -қа дейін көтеріледі. Яғни, шомылуға қолайлы температура қалыптасады. Каспий жағалауында қазіргі кезде құстардың 260 түрін кездестіруге болады. Каспийдің шығыс жағалауында ғана жыл сайын 2 млн құс қонады. «Каспий» атауы XVI ғасырдың аяғында осы теңіз жағасында қоныстанған Каспий тайпаларына байланысты қалыптасқан.

Алакөл – Алматы және Шығыс Қазақстан облыстарының аумағында орналасқан тұйық көл. Көлге 15-тен аса өзен құяды. Алакөл жағалауы, негізінен төрттік дәуірдің түрлі тау жыныстары – саз балшық, құмды топырақ, қиыршық тас, ұсақ құмнан тұрады. Жалпы, Алакөл – емдік қасиеті өте мол ағынсыз су қоймасы. Мұндағы Арқаның қуаң даласындағы құрғақ ауа теңіз бетіндегі дымқыл ауамен араласып адамға жағымды әсер береді. Көл суы да минералды ресурстарға, йодқа, тұзға, химиялық элементтерге бай болғандықтан, судың денсаулыққа пайдасы медицинада дәлелденген. Кезінде Жібек жолының керуендері көл жағасын басып өткендіктен, оның суы мен ауасымен ұзақ жолдан науқас болған адамдардың денсаулығын түзеп, емдеген. Кеңес үкіметі кезеңінде Алакөлде Ғарышкерлер үйі жұмыс істеді. Кеңестік ғарышкерлер ғана емес, басқа капиталистік алпауыт елдердің де көктен оралған ұшқыштары бойындағы радиациядан осы көлде арылған екен.