Многія людзі не любяць восень, лічаць яе сумнай. Магчыма, гэта так і ёсць: шэрае неба, працяглыя дажджы, абрыдлы холад...
Але мне здаецца, што восень мае сваю прыгажосць. Мне падабаецца, што ўвосень нельга здагадацца, якое надвор'е будзе заўтра: сонца ці дождж. Я сам такі ж непрадказальны і люблю, калі ў жыцці ёсць месца сюрпрызу.
Мне падабаюцца сонечныя восеньскія дні. У такія дні рознакаляровае лісце на дрэвах быццам зіхаціць. Восеньскае сонца здаецца нават ярчэйшым за летняе, магчыма, таму, што ўвосень часцей, чым летам, ідзе дождж. Шкада, што такое сонца свеціць, ды не грэе.
Мне таксама падабаецца не вельмі моцны дождж, але толькі калі на вуліцы не занадта холадна. Часам я нават знарок не бяру пасарон, каб пагуляць пад каплямі дажджу. Але ў халоднае надвор'е так рабіць няможна, бо існуе небяспека захварэць. А хварэць я не люблю.
І галоўнае, чаму я люблю восень, асабліва верасень, - гэта тое, што пачынае расці шмат грыбоў. Збіраць грыбы - мой любімы від адпачынку. Я заядлы грыбнік, як і мае бацькі. Каб была магчымасць, я не выходзіў бы з лесу. Таму верасень - мой любімы асенні месяц, а восень - мая любімая пара году. І я ніколі не пагаджуся з меркаваннем, што восень - сумная, маркотная, нудлівая пара. Проста людзі не ўмеюць заўважаць тыя нямногія радасці, якія даруе нам восень - цудоўная, на мой погляд, пара.
Галоўныя члены: дзейнік, выказнік; даданыя члены: дапаўненне, азначэнне, акалічнасць.
1. Вечарамі я заўсёды гляджу тэлевізар.
вечарамі - акалічнасць
я - дзейнік
заўсёды - акалічнасць
гляджу - выказнік
тэлевізар - дапаўненне
2. Віця захварэў на грып і сядзіць дома.
Віця - дзейнік
захварэў - выказнік
на грып - дапаўненне
сядзіць - выказнік
дома - акалічнасць
3. Пасля вячэры мы будзем чытаць кнігі.
пасля вячэры - акалічнасць
мы - дзейнік
будзем чытаць - выказнік
кнігі - дапаўненне
4. У нядзелю мае бацькі едуць у вёску.
у нядзелю - акалічнасць
мае - азначэнне
бацькі - дзейнік
едуць - выказнік
у вёску - акалічнасць
5. Я люблю ажынавае варэнне.
я - дзейнік
люблю - выказнік
ажынавае - азначэнне
варэнне - дапаўненне
В - согл;глух;мягк,
я- глас;ударн
р-согл; звонк;безударн
а-глас;звонк;мягк